Opozita ka intensifikuar takimet me strukturat e saj në rrethe dhe qytetarët, në kuadër të organizimit për protestën e 16 shkurtit, që do të mbahet në Tiranë, para godinës së Kryeministrisë.
Kreu republikan Fatmir Mediu ka qenë në Fier, në një takim me strukturat e partisë që drejton, nga ku u shpreh se 16 shkurti është fillimi i rrëzimit të Edi Ramës.
“Edi Rama nuk ka asgjë të përbashkët jo vetëm me demokratët e republikanët, por edhe me socialistët”, tha Mediu.
“Pa një Reformë Zgjedhore, që të garantojë zgjedhje të lira dhe të ndershme, Edi Rama dhe bandat me paratë e trafiqeve nuk munden. Prandaj është e domosdoshme, që të kemi sa më shpejt një reformë zgjedhore, konform parimeve bazë të demokracisë dhe të monitoruar edhe nga eskpertë të organizmave ndërkombëtare” u shpreh Mediu.
