Me anë të një postimi në rrjetet sociale Ambasada e Shteteve të Bashkuara të Amerikës ka bërë një njoftim të rëndësishëm për qytetarët shqiptarë që kanë aplikuar për vizë emigruese. Ambasada e SHBA-ve i ka lajmëruar që të dërgojnë dokumentet në Seksionin Konsullor 2 javë para intervistës.
“Aplikantë për vizë imigruese: pasi të mësoni datën tuaj të intervistës nga NVC, dy javë përpara datë së intervistës ju duhet të dërgoni dokumentet origjinale me postë në Seksionin Konsullor”, – shkruahet në njoftimin e ambasadës.
Në vijim, ambasada fton qytetarët të kërkojnë sqarime nga konsullja Ana në Facebook.
