Dritan Prençi, prokurori i Krimeve të Rënda do të dalë nesër para Komisionit të Pavarur të Kualifikimit (KPK). Seanca në ngarkim të tij është parashikuar të mbahet më 5 qershor, në ora 11.30, ku do të dëgjohet argumentimi i pasurisë së tij.
Prençi është një ndër prokurorët që po heton çështjen në ngarkim të ish-ministrit të Brendshëm, Saimir Tahiri për bashkëpunim në trafik droge me Moisi Habilajn.
Sa i takon pasurisë, prokurori Prençi në vitin 2008 ka deklaruar blerjen e një apartamenti 78 m2 dhe vlerë thuajse 32 mijë euro, të blerë me kredi bankare për shlyerje në 10 vjet.
Tre vite më vonë ai ka deklaruar një tjetër kredi 8-vjeçare, me anë të së cilës ka shlyer një pjesë të shumës për blerjen e apartamentit.
Por prokurori ka deklaruar edhe një makinë tip “Volkswagen”, me vlerë 2 mijë euro.
