Vazhdon të jetë i lartë fluksi i pacientëve që i drejtohen urgjencës së spitalit rajonal të Durrësit,për të marrë ndihmën e parë nga bluzat e bardha.
Virozat e stinës, problemet me hipertensionin apo sëmundjet kardiovaskulare janë rastet më të shpeshta që paraqesin pacientët në urgjencë.
Për shkak të fluksit të lartë të pacientëve, disa prej tyre janë shtruar edhe në korridor, ku u jepet ndihma e parë nga stafi i spitalit.
Dhomat e urgjencës janë të gjitha plot, ndërkohë që shtretër janë vendosur edhe në korridor, në pamundësi për t’i sistemuar të gjithë në ambiente të përshtatshme.
Pacientët duhet të presin më shumë se një orë për t’u vizituar nga mjeku, pasi fluksi i madh e bën të pamundur për mjekët t’u shërbejnë më shpejt.
