Detaje të reja janë zbardhur në lidhje me arratisjen e Altin Ndocit nga spitali i Durrësit. Sipas informacionit hetimor, i arratisuri dyshohet se është strehuar në Tiranë.
Ndoci u prit jashtë spitalit nga një person me automjet tip “Audi”, i cili e largoi me shpejtësi nga vendi i ngjarjes.
Mjeti është kapur më pas nga kamerat e sigurisë teksa kalonte në autostradën Tiranë–Durrës, në drejtim të Vorës.
Sipas BW policia e Durrësit është njoftuar me vonesë për arratisjen, duke ngritur dyshime se persona të paidentifikuar mund të kenë ndihmuar në brendësi të sistemit, përfshirë punonjës të Burgjeve.
Si ndodhi arratisja
Ndoci ishte shoqëruar në repartin e infektivit për një vizitë mjekësore. Pesë efektivë u angazhuan për ta sjellë deri në spital, por vetëm dy prej tyre e ndoqën brenda.
Në një moment që me sa duket nuk ka qenë aspak i befasishëm për të arratisurin, ai ka kërkuar të shkojë në tualet.
