Gjatë mbledhjes së asamblesë së Partisë Socialiste, Edi Rama ka trajtuar përciptas edhe rritjen galopante të taksave, veçanërisht ato që nisin të aplikohen që nga fillimi i këtij viti.
Në fjalën e tij edhe pse nuk ja përmendi emrin, Rama në përpjekje për të hequr përgjegjësinë nga qeveria që drejton, siluroi Erion Veliajn i pranishëm aty, i cili tashmë është certifikuar si kryebashkiaku që mban rekord për rritjen e taksave.
“Ne [Qeveria] i kemi ulur taksat, por këtu duhet të kemi një diskutim me bashkitë të cilat kanë përfituar nga kjo mundësi, për të rritur taksat vendore”, deklaroi Rama duke e kaluar topin në fushën e bashkive për taksat e shumta të shtuara ndaj biznesit dhe qytetarëve.
Kjo shitje që Rama i bën Velisë në përpjekje për të krijuar një alibi për veten e tij, duket fare qesharake, sepse kushdo e di që kryetari i bashkisë së Tiranës dhe këshilltarët e PS-së aty, nuk mund të marrin vendime të rëndësishme siç është rritja e taksave, pa viston e Edi Ramës.
Pavarësisht se është shumë e vërtetë, që disa bashki në vend dhe veçanërisht ajo e Tiranës e drejtuar nga Velia kanë rritur në mënyrë drastike taksat, edhe qeveria Rama nuk mbetet mbrapa në këtë drejtim. Vetëm taksa për të ardhurat personale që shkon deri në 23 për qind, (gjatë qeverisë Berisha ka qenë taksa fikse 10 për qind) ju heq nga xhepi një sasi të madhe të ardhurash qytetarëve.
Për të mos folur për barrën e rëndë që i ngarkoi biznesit të vogël, i cili që nga 1 Prilli i këtij viti do të paguajë TVSH, edhe pse kjo taksë u kundërshtua nga ekspertë dhe FMN, rritjen e çmimit të cigareve etj.
