Në shumicën e rasteve jemi mësuar të shohim lajme që femrat dhunohen nga bashkëshortët e tyre dhe kërkojnë mbrojtjen e autoriteteve, por këtë herë ka ndodhur e kundërta.
Një 54-vjeçar nga Tirana është detyruar të denoncojë në polici ish-bashkëshorten e tij pasi ai nuk mundi ta duronte më dhunën psikologjike që ushtronte ajo ndaj tij.
Sipas Policisë së Tiranës ish-bashkëshortja e shtetasit me inicialet G.H është 12 vite më e re se ai.
Në njoftimin e Policisë bëhet e ditur se, Komisariati Nr. 6, më datë 28.12.2017, u plotësua kërkesë-padia për lëshimin e Urdhrit të mbrojtjes së menjëhershme, për shtetasin G.H, vjeç 54, pasi dyshohet se ish-bashkëshortja E.P, vjeç 42, banuese në Tiranë, ka ushtruar dhunë psikologjike ndaj tij, shkruan “Panorama”.
Materialet i kaluan Gjykatës së Rrethit Gjyqësor Tiranë. Ligji nr.9669, datë 18.12.2006, “Për masa ndaj dhunës në marrëdhëniet familjare”.
