Ish-ministrja e Integrimit, Klajda Gjosha, e ka cilësuar si të pafalshme votën e Shqipërisë kundër SHBA-së. Duke komentuar në studion e “Report Tv” votën e vendin tonë kundër SHBA-së për njohjen e Jeruzalemit si kryeqytet i Izraelit, Gjosha e ka cilësuar këtë si një veprim të nxituar dhe se të paktën Shqipëria duhet të kishte abstenuar.
Ajo solli në vëmendje edhe një krisje tjetër mes Shqipërisë dhe SHBA-së, siç ishte rasti për armët kimike, por shtoi se në këtë rast kemi të bëjmë me një votë, që është e prerë.
“Ka pasur një problematikë për armët kimike, rreth 4 vite më parë, që kanë qenë çështje që është dashur shumë që të sqarohen. Këtu kemi të bëjmë me një votë, që është e prerë. Shqipëria të paktën duhet të kishte abstenuar për të qenë korrekt, si dhe në mbështetje të SHBA. Kjo është e pafalshme për Shqipërinë”,deklaroi Gjosha.
