Ministria e Drejtësisë nuk u jep pagat mujore punonjësve. Denoncimi ka ardhur në redaksinë e mediaere.al nga disa punonjës të këtij institucioni, te cilët prej ditësh presin të marrin rrogën mujore.
Punonjësit, informojnë se do duhet të ishin paguar që prej dattës 1 dhjetor, por në bankomatin e tyre nuk është bërë asnjë transferim. Të njëjtët persona thonë gjithashtu se kanë kërkuar informacion nga ana e ministrisë mbi këtë vonesë, por nuk kanë marrë asnjë shpjegim.
Nuk dihet nëse nëpër të njëjtën situatë po kalojnë edhe institucione të tjera, apo kjo vonesë është vetëm në dikasterin e drejtuar nga Etilda Gjonaj. /Media e Re.al/
