Zjarrfikësja e stacionit nr.3 të Kodër Kamzës është bllokuar në Valias në thellësinë 1.5 m me ujë pasi kishte shkuar të evakuonte 10 banorë, 5 prej të cilëve fëmijë.
Burimet thanë se është njoftuar prefektura dhe ushtria për t’i shkuar në ndihmë.
Efektivë të Forces Tokesore me dy mjete te kalueshmerise se larte jane nisur drejt Valiasit per evakuimin e banoreve.
Raportohet se 13 persona kanë mbetur të bllokuar brenda automjetit të zjarrfikëses në Kamëz.
Sipas të dhënave paraprake mësohet 10 banorë të dy shtëpive në Valias i Ri, sëbashku me 3 efektivë të Shërbimit Zjarrfikës kanë mbetur brenda automjetit që kishte shkuar për t’i evakuuar si pasojë e përmbytjeve.
Në momentin kur makina po bënte të kthehej mbrapsht, njëra anë e automjetit ka përfunduar në kanal. Në vendin e ngjarjes ndodhet edhe prefektja e Tiranës, Suzana Jahollari.
