Një javë e mbushur me ngjarje politike, akuzua dhe kundërakuza ka qenë kjo që po lëmë pas, e që kulmoi me një seancë parlamentare ku përveç çështjes së “Himarës” e batutave u kalua edhe buxheti. Përveç fjalëve pikante që të gjithë i dëgjuam live, pati dhe nga ato momente kur ministra e deputetë s’dinim me çfarë t’i kalonin 13 orët e seancës maratonë.
Kryeministri Rama u duk nervoz, pasi ish-kryeministri Berisha i nxori një video ku përshëndeste në kongresin e PASOK-ut në gjuhën greke, si dhe e krahasoi me një strukturë falike. Kaq mjaftoi që i pari i qeverisë të lëshonte gjuhën me fjalë greke. Teksa replikonte me të e Vangjel Dulen, Rama foli për “qirje” dhe “palikari”, por jo vetëm kaq.
Paparacët e emisionit “Kjo Javë” që transmetohet çdo të shtunë në News 24, kanë regjistruar momente të tjera ku duket nervozizmi i tij. Ai është kapur në disa momente teksa kalon e i jep porosi ministrave, pastaj ulet në vend, largohet, e vjen prapë, deri në momentin kur i hapet goja e është gati ta zërë gjumi.
Seanca maratonë i ka lodhur disi edhe ministrat e deputetët e tjerë. Ahmetaj e ka reflektuar ashtu si edhe Rama lodhjen dhe është kapur në një moment teksa porosiste një kafe.
