David Beckham flirton me një bukuroshe 13 vjet më të re se Victoria. Kështu së paku raportuan mediat britanike, të cilat pohuan se ish-futbollisti ka kaluar një natë të zjarrtë me Lady Mary Charents.
Por duket se edhe njëherë si në të kaluarën, këto shkrime do të mbeten vetëm në suaza të thashethemeve dhe nuk ka asgjë të vërtetë. Madje çifti i famshëm, i martuar 18 vjet më parë, po “bën të shurdhin” dhe po vazhdon me projekte të reja të modës.
Në fakt, aktorja dhe modelja Cara Delevingne ka publikuar disa imazhe të nxehta të dyshes pranë një veture. David shihet i veshur vetëm në xhins ndërsa ish-këngëtarja e bendit “Spice Girls”, Victoria shihet në bikini të zi.
Çiftin pritet ta shohim edhe në disa projekte të reja në lidhej me modën, ndërsa nuk është hera e parë që po i shohim në poza të nxehta.
