Një kolegj penal në Gjykatën e Apelit në Tiranë i përbërë nga Alaudin Malaj, Flutur Skënderi dhe Evgjeni Sionimeri duhet të jepte sot vendimin për Lefter Sulkajn i akuzuar për mashtrim me pasoja të rënda. Por çuditërisht, si rrallë ndonjëherë, vendimi për masën e sigurisë ndaj aksionerit të Spitalit Gjerman është shtyrë edhe me një ditë. Arsyet e kësaj vendimmarrje të kolegjit penal nuk janë bërë publike duke shtuar edhe më shumë dyshimet për vendimin e nesërm të Gjykatës së Apelit. Shkalla e dytë e gjyqsorit konsiderohet ndër të tjera dhe filtër kontrolli për gjyqtarët e shkallës së parë çka tregon se përgatitja e tyre për të zgjidhur çështje komplekse është në shkallën sipërore. Por me çështjen “Sulkaj” nuk ka ndodhur këshu.
Burime nga Gjykata e Apelit thanë për boldnews.al se gjatë seancës së sotme, e cila nisi me disa orë vonesë, trupi gjykues ka shqyrtuar ankimin e prokurorisë. Organi i akuzuës kërkon rikthimin në qeli të biznesmenit Leftër Sulkaj, i cili u lirua menjëherë pas arrestimit me një vendim të dyshimtë të shkallës së parë. Me kërkesë të prokurorisë gjykata urdhëroi arrestimin e Sulkajt pasi dyshohet se ka mashtruar të paktën dy persona duke ju marrë para dhe tokë me vlerë rreth dy milion euro. Kjo masë sigurimi e vendosur në mungesë është ekzekutuar vetëm pas 10 ditësh. Por për çudi, sapo është ekzekutuar masa dhe gjykata ka zhvilluar seancën e marrjes në pyetje të të arrestuarit, avokati i tij ka kërkuar heqjen e arrestit me burg dhe caktimin e masës së sigurimit “arrest shtëpie” për të dyshuarin. Kjo kërkesë u pranua nga një gjyqtare e Gjykatës së Tiranës, e dhe pse vepra penale për të cilën akuzohet Sulkaj parashikon një dënim nga 10 deri në 20 vjet burg.
Të dyja këto vendime bashkë me ankimin e prokurorisë u shqyrtuan dje nga Gjykata e Apelit e cila për arsye ende të panjohura nuk ishte në gjendje të dilte në një konkluzion dhe të merrte një vendim për çështjen. Sipas komunikimeve pranë kësaj gjykate mësohet se vendimi do të shpallet nesër rreth mesditës. Është e pazakontë, aq më tepër për gjykatën e Apelit që seancat për masat e sigurimit të shtyhen për dy ditë. Këto raste zakonisht gjykohen brenda pak kohe dhe me vetëm një seancë gjyqësore. Lefter Sulkaj, aksioner i Spitalit Gjerman dhe bashkëpronar në disa biznese akuzohet nga Prokuroria e Tiranës për të paktën dy raste mashtrimi me vlerë rreth 2 milion euro.
