Nga Boldnews.al
Kryeministri Edi Rama prej më shumë se një muaj nën zyrën e tij ndjen forcën e algoritmit të hitit vjetor: “Rama jepe dorëheqjen”. Kjo muzikë e padëshiruar për veshët e tij po tentohet të shuhet nga zëri i këngëtarit me famë botërore, Kanye West, i cili për një ditë më datë 11 të këtij muaji, do të mbajë një koncert në vendin tonë në një stadium të ngritur enkas për këtë event, në Kashar të Tiranës.
Duke iu referuar nenit 101 të kushteutës së vendit, këshilli i ministrave doli me një akt normativ për të dhënë 400 milionë lëkë të reja ose 4.2 milionë euro për “suksesin” e një koncerti, që sipas Ramës është mjaft i rëndësishëm për imazhin e Shqipërisë dhe mosturpërimin e saj para mijëra të huajve që kanë prerë biletën për të parë e dëgjuar këngëtarin West.
“4 MILIONË EURO në minutën e fundit, për të mos turpëruar Shqipërinë, në sytë e afro 25 mijë të huajve nga 80 shtete që gjermësot kanë blerë me kohë biletat për Kanye West; për të mos humbur një mundësi fantastike promovimi të Shqipërisë Turistike, për një nga komunitetet më të mëdha të botës, dashamirët e muzikës; për të stimuluar ekonominë…”-shkruan Rama, për të justifikuar jo vetëm shumë, por edhe jehonën që do ketë prekja e arkës së shteti nga një koncert që kënaq vetëm veshët e atyre idhtarëve të këtij këngëtari.
Po pse është aq i rëndësishëm një koncert që i kushton shteti, taksave tona, më shumë se pagesa mujore e 70 mijë familjeve që marri ndihmë ekonomike 50 mijë lekë të vjetra në muaj?
Për më shumë i referohet neni 101 të Kushtetutës së Shqipërisë një individ që vijon e vijon të trashë hallkën e zullumit që shkon në shkelje ligjore. “Këshilli i Ministrave, në rast nevoje dhe urgjence, nën përgjegjësinë e tij, mund të nxjerrë akte normative që kanë fuqinë e ligjit, për marrjen e masave të përkohshme…”-thuhet në nenin 101 të kushtetutës.
U prek arka e emergjencës, fondi i së cilës nuk i kalonte dhjetë miliorë euro, i destinuar për raste eergjente si zjarret dhe fatkeqësitë e tjera natyrore. Tashmë zjarret nuk shuhen me frymën e “shenjtë” të Westit. Parimi që këtij populli në kufijtë e skllavërimit i mjafton buka dhe shfaqja janë ende mendësia e një njeriu që për 13 vite qeveris një vend që treshen krim-oligarki-politikë e cilëson si vlerë dhe ata që protestojnë për më shumë se një muaj si korba dhe sorra.
