Deputeti i PD, Flamur Noka u fut me forcë në Kuvend edhe pse u përjashtua, pas incidentit me socialistin Erjon Braçe.
Pas incidentit me socialistin kryesuesja e Kuvendit, Valentina Leskaj kërkoi largimin e Nokës nga seanca. Por Noka ka refuzuar dhe është futur në Kuvend.
Leskaj i kërkoi Nokës të lërë seancën, në të kundërt do të përdorë Gardën për ta nxjerrë.
Pas refuzimit të Nokës për të lënë sallën, zonja Leskaj ndërpreu seancën për të tretën herë gjatë ditës së sotme.
Pas ngjarjes ka reaguar edhe vetë socialisti Braçe: “PD është parti e dhunës, është dokumentuar. Ka strategji për dhunë në Kuvend…Nuk e ofendova Berishën…”, tha ai për mediat jashtë sallës së Kuvendit.
Noka akuzohet nga mazhoranca se goditi Braçen, kur në foltore po fliste ish-kryeministri Berisha. Për këtë veprim, Noka u përjashtua nga Kuvendi.
Por nga ana tjetër opozita akuzon Leskajn për njëanshmëri në zbatimin e rregullores, pasi sipas tyre Braçe ka ofenduar rëndë Berishën. PD kërkon përjashtimin e Braçes dhe Ballës.
ui6786 by revistaime
