Seanca e sotme plenare u shoqërua me debate dhe akuza të forta mbi gjendjen e shëndetësisë në vend. Një përplasje e ashpër ka ndodhur në Kuvend ndërmjet deputetit Asllan Dogjani dhe ministrit të Shëndetësisë Ilir Beqaj.
Përplasja ka ardhur pas fjalës që mbajti ministri i Shëndetësisë Ilir Beqaj, që mbrojti reformën e Urgjencës.
Më pas replikoi Dogjani duke thënë se njerëzit po vdesin nëpër spitale pasi mungon infrastruktura dhe medikamentet. Por Beqja e quajti deputetin demokrat gënjeshtar.
Dogjani akuzoi ministrin për koncensionet prej 400 milionë milionë dollarësh që jepen në një kohë kur një fëmijë po vdes për një aparaturë prej 3 eurosh .”Një aparat vetëm 3 euro! 3 euro bën jeta e tij! Unë të sfidoj të shkojmë ta ndihmojmë bashkë. 3 euro bën jeta e tij.”
“Shikoni sesi i përgjigjet në Fb, ministri, nënës së fëmijës që po vdes, kur ka dhe shumë të tjerë si ai”, tha Dogjani
Ministri u ngrit nga karrigia e tij dhe debati u ndez aq sa u desh që Garda të vihej përballë deputetit për të mos lejuar përshkallëzimin e situatës.
“Mjekët kanë frikë të flasin se i pushojnë nga puna”, tha opozita.
Pastaj Dogjani u kthye në foltore dhe nguli këmbë tek çështja e fëmijës, që ishte me ngjyrë: “Një aparat vetëm 3 euro! 3 euro bën jeta e tij! Unë të sfidoj të shkojmë ta ndihmojmë bashkë!”.
Sali Berisha tha: Gramoz me këtë budall që keni s’mbahet ai budall aty. Sa herë që këta anëtarë të organizatës kriminale që quhet qeveri do dalin këtu të mashtrojë të mbrojnë krimin, veprat e tyre të zeza, vjedhjet në çdo rast i lind e drejta e replikës .
Ilir Beqja: Deklarata që u bë këtu është shumë e rëndë, kërkoj të distancohet nga deklarata se pacientët kanë frikë të ankohen se mjekët i vrasin, distancohuni politikisht nga kjo gjë.
Ruçi¬Berishës: Ulu nej, ulu nej…
Dogjani: Do ta them prapë…
Valentina Leskaj: Uluni se do përjashtoheni nga seanca, kush ua ka dhënë fjalën që dilni aty? Uluni aty dhe kërko fjalën, respekto Parlamentin.
Dogjani: Mjekët kanë frikë të reagojnë se i heqin nga puna nëse reagojnë ndaj asaj situate mjerane.
