Ndërsa në Tiranë nuk ka ende sqarime për blerjen e dyshimtë të vilës luksoze nga Delegacioni i BE-së, bashkëshorti i zonjës Vlahutin duket tepër i preokupuar mbi fatet e planetit.
Vlado Azinovic, një lektor universiteti, studiues i çështjeve të sigurisë, është bashkëshorti i zonjës Vlahutin. Thuajse çdo ditë në llogarinë e tij zyrtare në ‘Twitter’, burri i ambasadores së BE-së, poston informacione mbi rrezikun që i kanoset SHBA-ve dhe njerëzimit nga zgjedhja e presidentit Donald Trump.
“A mund t’i besohet Trump-it butoni i mbushjeve atomike?”; “A ka hyrë në Shtëpinë e Bardhë një rracist i bardhë?”; “Çfarë dreqin po i bën Trump-i abortit?”; “Po emigrantëve?”; “Ç’është ky ultra-nacionalizëm i bardhë?”.
Këto janë disa nga pyetjet dhe fobitë që përcjellin disa dhjetëra artikuj që zoti Azinovic shpërndan në llogarinë e tij zyrtare në ‘Twitter’, raporton Hashtag.al.
Vlado Azinovic njihet në Bosnjë si një studiues dhe ekspert i çështjeve të terrorizmit islamik dhe ISIS-it, ndërsa në një artikull të revistës kroate HRsvijet, shkruhet se Azinovic është dhe anëtar i bordit drejtues të Fondacionit për Shoqërinë e Hapur në Bosnjë, fondacion ky i cili financohet me fonde nga George Soros
