Ambasada amerikane në Tiranë ka revokuar vizat e 70 zyrtarëve të lartë në vendin tonë, gjyqtarë dhe prokurorë. “ReportTv” mëson se janë 70 zyrtarë të cilët janë prekur nga ky vendim dhe nuk lejohen të shkelin në territorin amerikan deri në një vendim të dytë.
Sot, i pari zyrtar që pranoi se ambasada i ka revokuar vizën ishte Kryeprokurori Adriatik Llalla.
Po ashtu u sqarua se viza i është refuzuar dhe shefes së sektorit të dekriminalizimit, prokurores Rovena Gashi.
Raportohet se kjo listë ka prekur të gjithë gjyqtarët e Gjykatës Kushtetuese, gjyqtarët e Gjykatës së Lartë, si dhe drejtuesit e prokurorive në rrethe.
Sipas burimeve për “ReportTv” kjo listë prek dhe një pjesë të mirë të familjarëve të tyre pasi gjatë pajisjes me vizë zyrtarët kanë aplikuar në cift si bashkëshort.