Pas përplasjeve me PS dhe shkarkimit të Ylli Manjanit, Lëvizja Socialiste për Integrim vendosi të mos dalë nga koalicioni qeverisës. Por përpos këtij qëndrimi zyrtar, LSI sot nuk ishte prezente në parlament. Sepse në nisje të seancës mungoi kreu i Kuvendit, Ilir Meta dhe të gjithë ministrat e kësaj force politike.
Kreu i Kuvendit ka hyrë në sallë në orën 14:00, apo rreth 3 orë pas nisjes së punimeve plenare.
Ndërsa qartësisht në fotot e siguruara nga gazetarja Elda Menga për “BalkanWeb” shihen karriget bosh të ministrave të LSI-së. Nga grupi parlamentar nga 20 deputetët e LSI-së, kanë qenë të pranishëm vetëm dy prej tyre, deputetët Silva Caka dhe Pirro Kapurani.
deputetet e lsi ne kuvend
Sakaq nuk dihet se përse LSI ka marrë këtë vendim për të mos qenë në parlament sot, ose ndoshta kjo vjen për të shmangur debatet si me deputetët e opozitës ashtu edhe me ata të Partisë Socialiste. Gjithsesi seanca është e gjatë dhe ky vendim mund të ndryshojë në vijim.
