Rama flet për shkarkimin e Manjanit: Nuk respektoi rregullat e skuadrës!

Kryeministri Edi Rama foli për herë të parë për shkarkimin e ministrit të drejtësisë Ylli Manjani. Ai tha se ai nuk kishte bërë detyrën e tij, por merrej me opozitën ndaj qeverisë. “Nuk mund të ekzistojë një qeveri serioze në botë nëse një ministër nuk respekton skuadrën, rregullat dhe mbi të gjitha detyrat që ka portofoli i tij. Detyra e një ministri është bëjë detyrat dhe jo të bëjë opinionistin, opinion-bërësin apo dhe opinion-tjetërsuesin e qeverisë.
Nuk ka problem nëse dikush e kritikon qeverinë. Le ta bëjë këtë jashtë radhëve të kabinetit qeveritar. Qeveria ka një kod etike të miratuar me konsensus që përcakton qartësht çdo marrëdhënie të çdo anëtari të kabinetit me publikun.
Nuk ka dyshim që kjo lëvizje u koordinua me bashkëkryetarin e koalicionit Meta” – tha Rama.