Aktorja Olta Gixhari ka paditur në gjykatën e shkallës së parë kompaninë e reklamave “Pik Creative” pasi nuk e kanë paguar për shërbimin e saj.
Boldnews.al mëson se kompania ka ngelur pa i paguar shumën prej 6.410 euro aktores çka e ka detyruar këtë të fundit ta padisë atë.
Kompania nuk ka përmbushur detyrimin kontraktor sipas kontratës së shërbimit të lidhur që në vitin 2014.
Dalja e Olta Gixharit në reklama kohët e fundit është vënë në qendër të vëmendjes për look-un e saj të kuruar dhe kanë rezultuar të suksesshme.
Para disa kohësh kompania “Pik Creative” u diskutua në media pasi nxorri “bllof” kryeministrin e vendit Edi Rama për dizanjimin e bluzës së Kombëtares.
Ajo postoi në profilin e vet në Facebook, fotot dhe skicat origjinale të momenteve të ideimit dhe më pas dizajnit përfundimtar të bluzave, që sot e gjithë ditën veshin kuqezinjtë.
Nga ana tjetër Rama doli në një video-intervistë përballë qytetarëve duke deklaruar se ai e ka ideuar dhe dizejnuar bluzën e kombëtares.
