Kreu i Kuvendit dhe i LSI-së, Ilir Meta ka zhvilluar një drekë të dytë me ish-deputetin Koço Kokëdhima, pa kaluar ende 24 orë nga dreka e djeshme.
I pritur nga gazetarët, Meta është shprehur se takimet me Kokëdhimën i bën për të hequr toksikimet dhe nuk kanë lidhje me politikën. “Vij këtu për të hequr toksikimet, nuk ka lidhje me politikën. Ç’toksikimi im i bën mirë ç’toksikimit të politikës”, është shprehur Meta.
Kryetari i Kuvendit, Ilir Meta ka komentuar drekën e një dite më parë me ish-presidentin e Republikës, Rexhep Meidani dhe ish deputetin e PS, Koço Kokëdhima. Meta tha se kishte planifikuar drekën me Meidanin, ndërsa Kokëdhima ishte rastësisht në ambientet e hotel Grand.
“Kam pasur një drekë me profesor Meidanin dje. Z.Kokëdhima ka qëlluar rastësisht aty, se rri te hoteli, ka qëndruar një pjesë të kohës me ne dhe më pas është larguar”, u shpreh meta.
Meta ka theksuar gjithashtu se qeveria teknike nuk është një opsion për mazhorancën. Për kreun e LSI-së koalicioni qeverisës vijon punën në përmbusjhe të detyrimeve ndaj qytetarëve shqiptarë.
“Koalicioni ka programin e tij, detyrimet reciproke dhe vazhdon punën e tij. S’ka ndonjë arsye për t’i trazuar këto dy ccështje të ndryshme. Koalicioni duhert të vazhdojë maksimalisht të përmbushë detyrimet e tij programore dhe qeverisëse, e morale ndaj qytetarëve shqiptarë, pasi ky koalicion qeveris të gjithë shqiptarët, në mënyrë të veçantë ndaj atyre që e kanë votuar, për të mos i zhgënjyer.
Meidani Kryeministëri i qeverisë teknike?
Pyetje e pavend sepse nuk qëndron. Nëse ka të bëjë me propozimin tim, ishte me qëllimn për të bërë ccdo gjë për të miratuar reformën në drejtësi”, tha ai
