Është miratuar me 140 vota drafti kushtetues i reformës në drejtësi. Pas një kalvari të gjatë bisedimesh, përplasjesh palët kanë arritur të gjejnë kompromision, pas një propozimi të ardhur në orët e fundit nga ambasadorët.
Kryeparlamentari Ilir Meta uroi që ky konsensus të vazhdojë edhe për reforma të tjera.
Forcat politike arritën në orët e pasdites një marrëveshje mbi emërimet e anëtarëve të Këshillit të Lartë Gjyqësor dhe Këshillit të Lartë të Prokurorisë.
Pas orësh të gjata bisedimesh mes palëve, u arrit në një formulë të re për miratimin e ndryshimeve kushtetuese.
Basha: Gur themeli në luftën kundër korrupsionit, fitore e shqiptarëve
Kryetari i Partisë Demokratike, Lulzim Basha, e konsideroi miratimin nga Kuvendi te reformës në drejtësi, një gur themeli në luftën kundër korrupsionit.
Duke folur për mediat, pas daljes nga salla e parlamentit, ku pak caste me pare u votua me unanimitet reforma ne drejtesi,BAsha deklaroi se paketa kushtetuese që sot u miratua me konsensusin e plotë të parlamentit të Shqipërise, me votat e bashkuara të deputetëve të maxhorances dhe opozites, është një ogur i mirë për bashkimin e shqiptarëve për nje drejtësi të standardit europian dhe jo te nëperkëmbjes së tyre.
Kreu i PD-se tha se qeveria i imponoi shoqerise shqiptare nje debat te gjate per reformen, për t’i ikur debateve të vërteta.
Ashtu si parafolesit ne seance, Basha falenderoi te gjithe partneret nderkombetare per mbeshtetjen dhe kontributin e jashtezakonshem që dhanë per reformen, vecanerisht ambasadorët Lu dhe Vlahutin.
Aambasadori Lu: Përgëzoj parlamentin për gjetjen e konsensusit
Ambasadori Donald Lu ka përgëzuar parlamentin për gjetjen e konsensusit nën një trysni të madhe.
“Miratimi i reformës në drejtësi, mbi të gjitha, është një fitore për popullin shqiptar. Përkushtimi juaj e ka bërë Shqipërinë një vend më të drejtë dhe më demokratik. Përgëzoj parlamentin për gjetjen e konsensusit nën trysni jashtëzakonisht të madhe. Shtetet e Bashkuara janë krenare që kanë mbështetur hartimin dhe negocimin e kësaj pakete reforme te fortë dhe presim me kënaqësi të vazhdojmë partneritetin tonë jetëgjatë, i cili tani është shumë më i fortë”, shprehet Lu.
OSBE: Thelbësore mënyra se si do të zbatohet
Prezenca e OSBE-së në Shqipëri mirëpret miratimin nga Kuvendi të paketës së ndryshimeve kushtetuese, që synojnë reformimin e sektorit të drejtësisë. Ne e përgëzojmë Kuvendin për këtë arritje thelbësore, e cila u mbështet qartë nga shumë ekspertë dhe diplomatë ndërkombëtarë.
“Kjo është një arritje e rëndësishme, që i hap rrugë zbatimit të reformës së njëmendtë në drejtësi. Ndryshimet e miratuara sot tani duhet të pasohen nga ligje dhe akte nënligjore, procedura dhe politika, për të tërë sistemin gjyqësor”, thuhen në njoftimin për shtyp.
OSBE thekson se reforma do të jetë e vërtetë vetëm kur të ndihet nga qytetarët shqiptarë, në jetën e tyre të përditshme, anembanë vendit.
Mënyra se si do të zbatohet paketa e reformës është thelbësore për qëndrueshmërinë dhe suksesin e procesit të reformës. Qëndrueshmëria dhe suksesi, gjithashtu, varen nga ndryshimi i sjelljes: nga vendosja e një kulture përgjegjshmërie dhe llogaridhënieje, lufta kundër pandëshkueshmërisë dhe konsolidimi i respektimit të shtetit të së drejtës, në të gjitha shtresat e shoqërisë.
Prezenca e OSBE-së ka qenë një kontribuese dhe partnere e përkushtuar e procesit të reformës dhe mbetet e gatshme të vijojë mbështetjen e saj aktive, në të gjitha nivelet.
