Nisma e Ben Blushit dhe e 9 deputetëve të tjerë e cila konsiston në parimin e heqjes së pushtetit të politikanëve dhe kalimin e tij në duart e njerzve po nxit një interes të veçantë në rrjetet sociale. Brenda një dite peticioni i inciuar vetëm dje ka kaluar numrin e mbi 5400 firmave të mbledhura. Pra janë mbi 5 mijë nënshkrues, të cilët hapur, me emër dhe me mbiemër, mbështesin iniciativën për zgjedhjen e presidentit nga Populli.
Duket se kjo nismë që po krijon një ortek mbështetje nga pjesa qytetare e shoqërisë, lidhet pak me mënyrën se si duhet zgjedhur kreu i shtetit i cili në projektin e ndryshimeve të reja kushtetuese dobësohet edhe më tepër. Nga votuesit në interrnet ajo po perceptohet si një afishim i njerzve për ti’u kundërvënë një kaste të korruptuar politikanësh që kanë uzurpuar gjithë pushtetet.
Një plus në këtë drejtim është dhe fakti se përpos Blushit dhe Hafizit dhe Arta Dades si socialistë atë e ka nënshkruar edhe një deputet demokrat me profil të pastër politik si Eduart Selami. Me këto ritme nisma Blushi rrezikon të bëhet vërtet një shqetësim edhe për deputetët vasalë të kryetarëve që deri më tani nuk kanë pranuar ta votojnë atë.(Lapsi.al)
Per ata qe duan te votojne presidentin nga populli:
https://www.change.org/p/kuvendi-i-republik%C3%ABs-s%C3%AB-shqip%C3%ABri…
