Qeveria fut thellë dorën në xhepin e qytetarëve dhe po përgatit goditjen e radhës ndaj debitorëve të bankave për tu ardhur në ndihmë oligarkëve të institucioneve kredidhënëse në vend.
Duke mos u mjaftuar me kushtet rënduese ndaj qytetarëve, qeveria nën ndikimin e bankierëve po zhvlerëson në mënyrë marramendëse pronat dhe pasuritë e paluajtshme të qytetarëve. Me një propozim absurd për ndryshimin e Kodit të Procedurës Civile, qeveria i propozon Kuvendit të Republikës shitjen nën kosto të apartamenteve dhe pronave të paluajtshme të lëna kolateral nga qytetarët që kanë marrë kredi nëpër banka.
Sipas vendimit të propozuar nga qeveria, që do të kthehet në ligj sëshpejti, kur një qytetar i drejtohet bankës për të marrë kredi prona e tij vlerësohet nga ekspertë vlerësues pasurish të punësuar nga vetë banka. Më pas nëse kredia rezulton me probleme atëherë në rivlerësimin e dytë merren ne konsideratë vlerësimet e vendosura nga vetë qeveria me një VKM, vlera këto që janë gjithmonë poshtë çmimit të tregut.
Pas dështimit të dy ankandeve të para qeveria me vendimin e saj u jep mundësi bankave ta blejnë me 30% të vlerës objektin ose pasurinë e paluajtshme. Pra nëse një qytetar ka marrë një kredi dhe shtëpia e tij është vlerësuar nëmomentin e dhënies së kredisë nga banka me vlerë 100 milion lekë të vjetra dhe gjatë pagesave shfaq probleme atëherë banka i drejtohet për pronën e lënë peng një shoqërie përmbarimore e cila sipas çmimeve të përcaktuara nga vetë qeveria, e cila orientohet kryesisht nga çmimet e vendosura nga Enti i Banesave, eçmon në këtë moment të dytë jo më shumë se 60 milion lekë të vjetra. Pasi zhvillohen dy herë ankandet atëherënë ankandin e tretë banka e sekuestron shtëpinë e lënë peng për vlerën e 18 milion lekëve të vjetra. Sipas kësaj përllogaritjejei bie që vlera e një shtëpie ose pasurie të paluajtshme të zhvlerësohet në mbi 80% të vlerës së saj.
Ky vendim i qeverisë, i bërë rishtaznë bashkpunim me bankat e nivelit të dytë në vend vë në rrezik shtëpitë dhe pronat e paluajtshme të mijëra shqiptarëve. Ky projekt vendim pritet të kundërshtohet ashpër edhe nga shoqatat e biznesit, tregtarëve dhe konsumatorëve të cilët preken direkt nga ky vendim i cili grabit edhe më shumë shqiptarët.
Ky projektvendim pritet të rrisë huadhënien me fajde dhe rrjedhimisht rritjen e kriminalitetit dhe hapjen e plagëve të reja në shoqëri.
Nenet dhe Projektligji:
