Ditën e djeshme kreu i Bashkisë së Kavajës, Elvis Roshi publikoi dy dëshmi penaliteti me ermat Elvis dhe Ervin Roshi, të lëshuara nga autoritetet italiane, që provojnë se ai është i pastër penalisht.
Mirëpo këto dëshmi nuk tregojnë të vertetën pasi sipas ligjeve italiane nëse një person është dënuar vetëm një herë me një dënim jo më shumë se dy vjet burg, atëherë me kalimin e viteve ky dënim nuk pasqyrohet në këto dëshmi. Edhe burime brenda Prokurorisë konfirmojnë se dënime të lehta nuk pasqyrohen pas një farë kohe në dëshminë e penalitetit.
Me këto dy dokumente, Roshi tha se ai tërhiqet nga dorëheqja, pasi rezulton sipas tij që nuk është i dënuar.
Personi në fjalë është i rehabilituar përfundimisht dhe nuk ka arsye pse të reflektohet dënimi në dëshminë e penalitetit.
Kjo e fundit vetëm tregon se vitet e fundit personi nuk ka qenë i dënuar, por jo se ai s’ka qenë i dënuar asnjëherë.
Që Roshi të provojë se nuk është dënuar kurrë më parë, ai duhet të marrë një certifikatë, apo dëshmi nga arkivi gjyqësor, nëse ka qenë ndonjëherë i dënuar ose jo.
