Prokurori i Përgjithshëm Adriatik Llalla ka thirrur në një takim urgjencë Drejtorin e Policisë së Shtetit Haki Çakon lidhur me shoqërimin e Emiljano Shullazit. Burime për Boldnews.al konfirmojnë se në Prokurorinë e Përgjithshme ka mbërritur një kallëzim në drejtim të Shullazit për kërcënim ndaj Prof. Dr. Mynyr Koni.
Kallëzim thuhet se është bërë nga Rektori ende në detyrë, Dhori Kule, ndërkohë që nuk dihet nëse shoqërimi nga policia i Emiljano Shullazit është bërë me urdhër të prokurorisë apo ka qënë thjesht një verifikim nga uniformat blu.
Si rallëherë një personazh i botës së krimit si Emiljano Shullazi detyron institucionet më të larta të drejtësisë të mblidhen në një orë të pazakontë për të marrë një vendim ndaj tij.
Në orët në vijim do të mësojmë nëse ndaj Shullazit është lëshuar një urdhër-ndalimi dhe a do të dalë para gjykatës brenda 48 orëve, apo ndaj tij është bërë thjesht një shoqërim nga ana e uniformave blu.
