Një sherr me thika ka ndodhur mbrëmjen e sotme në qytetin e Vlorës, ku një 30-vjeçar ka mbetur i plagosur. Ngjarja është regjistruar rreth orës 20:00, në lagjen “24 Maji”.
Sipas policisë, konflikti ka nisur për motive të dobëta mes disa personave dhe ka përfunduar me përdorimin e mjetit prerës.
Si pasojë, është dëmtuar shtetasi B. S., 30 vjeç, i cili ndodhet në spital nën kujdesin e mjekëve. Ndërkohë janë shoqëruar autorët e dyshuar.
“Rreth orës 20:00, në lagjen “24 Maji”, gjatë një konflikti për motive të dobëta midis disa shtetasve, ka mbetur i dëmtuar me mjet prerës shtetasi B. S., 30 vjeç, i cili ndodhet në spital, nën kujdesin e mjekëve.
Shërbimet e Policisë kanë bërë të mundur identifikimin dhe shoqërimin e personave të dyshuar të përfshirë në këtë konflikt, në ambientet e Komisariatit të Policisë Vlorë.”, njofton policia.
