23 vjeçarja zihet me të dashurin, i vë zjarrin makinës së tij dhe 3 të tjerave

Mëngjesin e sotëm një 23 vjeçare nga Tirana i ka vënë zjarrin katër automjeteve në rrugën “Kokonozi”.

Dasara Mançellari pasi ka spërkatur njërën prej makinave me benzinë i ka vënë flakën, më pas janë shkatërruar plotësisht dhe 3 automjete që ndodheshin pranë. Sipas Policisë dyshohet se ngjarja ka ndodhur si shkak i një konflikti për motive të dobëta me shokun e saj, djalin e pronarit të makinave  V. P., 56 vjeç.

Skena e zjarrëvënies është filmuar nga kamerat e sigurisë dhe prej tyre është bërë edhe identifikimi i autores.  Automjetet  tip “Audi”, “Volksëagen”,  “Rulotë” dhe një kamioncinë janë shkatërruar plotësisht

Njoftimi i plotë i policisë
Më datë 01.04.2016, në orët e para të mëngjesit (rreth një orë pas mesnatës) në rrugën “Kokonozi”, ka rënë zjarr ku janë  përfshirë katër mjete.
Automjetet  tip “Audi”, “Volksëagen”,  “Rulotë” dhe një kamioncinë, automjete në pronësi të shtetasit V. P., 56 vjeç, banues në Tiranë.
Si pasojë e zjarrit automjeti tip “Audi” dhe mjeti “Rulotë”, janë shkatërruar plotësisht.
Menjëherë në vendin e ngjarjes ka shkuar grupi hetimor në bashkëpunim me ekspertët e MZSH-së .
Nga veprimet e para proçeduriale, ka rezultuar se shkaku i rënies së zjarrit ka qënë i qëllimshëm dhe ka rezultuar se është spërkatur me benzinë fillimisht njëri nga mjetet.
Nga kqyrja e vendit të ngjarjes janë fiksuar pamjet filmike të momentit kur është vënë zjarri duke arritur të mundësohet identifikimi i autores së dyshuar.
Pas identifikimit është bërë ndalimi i shtetases:
– Desara Mancellari, 23 vjeç, banuese në Tiranë.
Në cilësinë e provës materiale janë sekuestruar veshjet e saj në momentin që ka kryer këtë veprim të kundraligjshëm.
Dyshohet se motiv i zjarrvënies ka rezultuar një konflikt për motive të dobëta, midis shtetases Desara Mancellari me djalin e shtetasit V. P.
Materialet proçeduriale i kaluan Prokurorisë pranë Gjykatës Shkallës parë Tiranë për veprën penale: “Shkaterrim pronës me zjarr”, parashikuar nga Neni 151 i Kodit Penal.

LEXO EDHE  ‘Vajzën dhe mbesat i mbajnë peng në kamp’, flet nëna e Myrvete Dibrës (VIDEO)


PËRGJIGJU

Please enter your comment!
Please enter your name here