Luftë në Elbasan, detaje të reja: U qëllua me armë nga një makinë në ecje

Një person është plagosur me armë zjarri mbrëmjen e sotme në rrugën “Rinia”, në Elbasan.

Ngjarja ka ndodhur rreth orës 20:30, kur një person i armatosur ka hapur zjarr nga një makinë tip “BMW”, teksa ishte në lëvizje.

Momentalisht nuk dihet identiteti i të plagosurit dhe as shkaqet e ngjarjes. Ndërkohë forca të policisë kanë mbërritur në vendin e ngjarjes dhe po punojnë për identifikimin dhe kapjen e autorit të krimit.

Sipas hetimeve të para, dyshohet se autori është larguar në drejtim të qendrës së qytetit, ndërsa në vendngjarje janë gjetur disa gëzhoja.