Atenat ndaj biznesmenit shkodran, në kërkim autorët (Foto)

Plagoset me armë një biznesmen në qytetin e Shkodrës. Ngjarja u shënua mëngjesin e sotëm rreth orës 06:30 pranë dyqanit të tij afër stadiumit “Loro Boriçi” ku dy persona qëlluan me armë në drejtim të biznesmenit Berhan Vishnja.

52- vjeçari ka ndaluar për të parkuar, pranë tij ka kaluar një motocikletë me 2 persona, të cilët pasi iu afruan automjetit qëlluan disa herë në drejtim të tij.

Për pasoje Vishnja ka mbetur i plagosur dhe u dergua me urgjencë në spitalin rajonal të Shkodres.

Autorët janë larguar menjëherë nga vendngjarja, ndërsa dëshmitarët okular i kanë ardhur në ndihmë Vishnjes.

Pas ndërhyrjes kirurgjikale ai ndodhet jashtë rrezikut për jetën dhe sipas bluzave të bardha 3 plumba e kane prekur atë, 2 në krah dhe një 1 në pjesën e barkut.

LEXO EDHE  “Shpifje” ndaj Bashës, arsyet përse Veliaj përfundoi në Gjykatën Speciale

Nga ana tjetër në vendngjarje kanë mbërritur forca të shumta policie të cilat kanë nisur hetimet për zbardhjen e ngjarjes së rëndë. Sipas dëshmive të para, 2 autorët që kanë qënë në motoçikletë kanë patur në kokë skafanda çka e bën më të vështirë identifikimin e tyre.

Si provë materiale policia ka sekuestruar pamjet filmike të disa bizneseve aty pranë, për të mundësuar zbardhjen e ngjarjes. Ende nuk dihet nëse Vishnja ka patur konflikte te mëparshme me shtetasit në fjalë apo ka qënë tentative grabitje.



PËRGJIGJU

Please enter your comment!
Please enter your name here