Një aksident i rëndë është shënuar në Fushë Milot paraditen e sotme, ku për pasojë ka humbur jeten 2 përson dhe u plagosën 4 të tjerë.
Automjeti që drejtohej nga një paraplegjik është futur mes turmes në tregun gjësë së gjallë, duke shkaktuar viktima
Aksidenti ndodhi rreth ores 10 e 30 minuta dhe sipas deshmitarëve në vendngjarje autovetura me targa AA 120 NI që drejtohej nga Pashk Vokrri 58-vjeç banues në Pllanë të Lezhës ka ardhur me shpejtësi duke marrë para turmen e njerezve dhe ka ndaluar në një dyqan mishi.
Llesh Marku 70-vjeç gjeti vdekjen pa u nisur për në spital, ndërsa një tjetër, Dila Marku humbi jetën rrugës drejt spitalit të Traumës.
Policia ndaloi drejtuesin e mjetit që shkaktoi aksidentin.
Sipas të dhënave të para, dyshohet se drejtuesi i mjetit që hyri në pazarin e gjësë së gjallë në Milot mund të këtë ngaterruar leven e frenave me atë të gazit, duke bërë që mjeti të marrë superxhiro dhe të hyjë me shpejtësi drejt turmes së njerëzve.
“Automjeti është i përshtatur për perdorim nga persona me aftësi të kufizuar dhe i modifikuar në mënyrë artizanale dhe nuk e ka kaluar testin e kontrollit teknik. Teknikisht mjeti nuk duhej te dilte ne qarkullim” informon policia e Lezhës.
(Makina e drejtuesit Pashk Vokri që përplasi trumën e njerëzve në Milot)
