Nënkryetari i LSI, Petrit Vasilit, shprehet se Kryeministri Edi Rama po e trajton pushtetin lokal si një leckë këpucësh dhe shpërndan rroga për militantët e punësuar.
I ftuar në ‘Kafe Shqeto’ në Syri Tv, për të folur mbi këtë problematike dhe jo vetëm, Petrit Vasili tregoi se e gjithë kjo është një përpjekje për të mbuluar skandalet e shumta.
“Çdo gjë është e orientuar me një strategji shumë të qarte për të centralizuar gjithçka në një dorë. Është e papranueshme për këtë qeverisje që kopetencat të decentralizohen dhe gjithmonë e më shumë shërbimet që lidhen me qytetarët të jenë afër tyre.
Po të shikoni… gjëja që i karakterizon është largimi i çdo shërbimi askesi që qytetari duhet të ketë afër. Ajo që na le pa fjalë është se kjo ndodh në një kohë kur gjithçka shkon drejt centraliizmit ashtu siç ndodh në gjithë boten, ashtu siç synonte dhe reforma .
Tani arrijmë në rezultatin që bashkitë e mëdha nuk adminstrokan dot ujësjellësat dhe duhet t’i marrë qeveria. Por cila qeveri duhet t’i marrë?
Qeveria ka një agjenci kombëtare që quhet AKUM dhe kjo vetë është denoncuar se prokuronte nga 60 milionë euro, prokuronte 160 milionë, pra hapte tendera pa pasur para dhe të gjita këto ngarkoheshin bashkive.
Pra, për ta kuptuar qytetarët… kjo është për të mbuluar skandalet që janë bërë me AKUM-in.
Meqë bashkitë janë të paafta… kujt po ja japin? Kësaj agjencisë që është një agjenci krye-hajdute e provuar”, tha Vasili.
