Banorët e dy pallateve të dëmtuar nga tërmeti i 26 nëntorit 2019 në lagjen numër 5, në Durrës kanë zhvilluar një protestë përpara Bashkisë këtë të Mërkurë.
Kërkesa e tyre e përsëritur drejtuar autoritetit vendor është shembja e godinave, për t’i hapur rrugë rindërtimit.
Dy vite e gjysmë pas tërmetit, problematika për këto familje mbetet e njëjtë.
Aktualisht ato jetojnë me qira, ndërsa thonë se nuk kanë asnjë përgjigje konkrete nga institucionet lidhur me rindërtimin e dy pallateve.
Kjo nuk është hera e parë që këta banorë protestojnë, por deri më sot, sipas familjarëve, apeli drejtuar institucioneve si qendrore, ashtu edhe vendore, nuk ka marrë përgjigje.
