Territori i Shqipërisë është përfshirë prej dy ditësh nga moti i keq me rrebeshe shiu, teksa parashikohet që ato të jenë prezente dhe ditën e nesërme.
Mesditën e kësaj të enjteje, shoqëruar me reshjet e shiut janë regjistruar dhe shumë shkarkesa elektrike në disa qytete të vendit.
Siç shihet nga “windy”, zonat më të goditura nga rrufeja në Shqipëri janë Shkodra, Tirana, Berati dhe Vlora, por edhe Pogradeci.
Ndërkohë, do të ketë një rënie të temperaturave të ajrit duke u luhatur vlerat ditore nga 10°C deri në 30°C
Por më e keqja e situatës meteorologjike pritet në mbrëmjen e ditës së sotme.
Përgjatë orëve 20:00 – 21:00 pritet një intensifikim i reshjeve dhe rrufeve në zonën e Tiranës dhe Durrësit për shkak të afrimit të masave ajrore të ftohta nga veriu.
Në Durrës pritet të ketë reshje me intensitet deri në 20 mm duke rritur rrezikun për përmbytje.
