Kreu i grupit parlamentar të PS-së, Taulant Balla, i është përgjigjur akuzave të Sali Berishës, se zgjedhja e Bajram Begajt në postin e presidentit është në shkelje kushtetuese.
Sipas Ballës, dekreti i firmos nga Meta për lirimin nga detyra të Begajt është i ligjshëm, sa kohë që është firmosur në territorin e konsullatës shqiptare në Stamboll.
Për t’i hedhur më shumë ‘benzinë zjarrit’, Balla këshilloi Berishën, që në rast se ka pretendime për procesin, ta çojë çështjen në Gjykatën Kushtetuese.
Balla: Është shumë e qartë, Komisioni i Ligjeve e ka sqaruar, fantazmat kanë një raport jo të mirë ne gjeografinë, të thuash që konsullata shqiptare në Stamboll nuk është shqiptare, është njësoj siç thoshte se deti shqiptar është i Greqisë.
Procesi është tërësisht kushtetues, natyrshëm që Kuvendi ka pritur me seriozitet të gjithë procedurën, nga Ministria e mbrojtjes te kryeministri, dhe te presidenti. Nëse ka diçka Berisha, ta çojë Metën në Gjykatën Kushtetuese.
