Një aksident automobilistik është regjistruar këtë mëngjes në afërsi të fshatit Lin në Pogradec.
Një mjet tip Benz ka goditur nga mbrapa një automjet tip Golf.
Si pasojë, makinat janë bërë “përshesh”, ndërsa 4 vetë janë lënduar.
Bëhet e ditur se si pasojë e përplasjes së automjetit tip “Benz”, me drejtues shtetasin I. B. dhe automjetit tip “Volksvagen Golf”, me drejtues shtetasin N. B mbetën të lënduar dy drejtuesit e makinave dhe dy pasagjerë.
Të lënduarit janë dërguar për ndihmë mjekësore në Spitalin e Pogradecit.
Dyshohet se shkak për aksidentin ka qenë shpejtësia e lartë dhe lagështia në rrugë.
Policia është në vendngjarje për të zbardhur aksidentin e ndodhur.
