Ish-kryeministri Sali Berisha e cilëson “nul” mbledhjen e thirrur nga Enkelejd Alibeaj në selinë blu për të diskutuar për Presidentin e ti. Në një prononcim për gazetarët jashtë selisë së PD-së, Berisha tha se Alibeaj “nuk ka asnjë autoritet nga PD”.
Berishës iu kërkua një koment lidhur me faktin që nuk ka marrë urim nga diplomatët e huaj në vend, lidhur me rizgjedhjen në krye të Partisë Demokratike. “S’ka asnjë lloj veçantie. S’mbaj mend kur jam zgjedhur herë të tjerë të kem pasur ambasadorë që të më kenë uruar. Unë smbaj medn një gjë të tillë”, u përgjigj kreu i ri PD-së.
Berishës iu kërkua edhe një koment lidhur me deklaratat e Davis McAllister nga Tirana disa ditë më parë, i cili bëri me dije se zhvillimet e fundit në PD do të diskutohen javën e ardhshme në mbledhjen e Partive Popullore Europiane në Roterdam.
Berisha konfirmoi se PD do ketë përfaqësues në këtë mbledhje.
“PPE për momentin mban një qëndrim neutral, por zëri ynë në PPE do jete e pranishëm”, tha ai.
Në prononcim për gazetarët, Berisha po ashtu mbështeti votimin e emigrantëve, temë për të cilën disa ditë më parë u zhvillua një tryezë diskutimi me aktorë politikë në vend. Për këtë pikë, akuza hodhi ndaj kryeministrit Edi Rama.
“Dua të dënoj me ashpërsinë më të madhe pikëpamjen e Edi Ramës së konsiderimit të diasporës si një zonë e veçantë elektorale. E paralajmëroj të mos luajë me të drejtën e shqiptarëve. Ata kanë të drejtën të ushtrojnë të drejtën e tyre për të votuar dhe sot teknologjia online e bën këtë 100 përqind të mundshme”, tha Berisha.
Lexo edhe:
Zgjedhja e Presidentit/ Berisha dhe Alibeaj dy mbledhje në një seli
