Procesi për zgjedhjen e Presidentit të ri të vendit, konsiderohet nga kryetarja e LSI, Monika Kryemadhi, si një tentativë për përçarje të opozitës.
“Që në fillim të lojës ishte si një përrallë. Për mua çështja e presidentit e ka humbur idenë e konsensualitetit që në fillim të lojës së mazhorancës për të treguar se duam t’iu përfshijmë, por që shërbeu për më shumë për të ndarë deputetët e PD dhe për të krijuar një lloj insinuate brenda opozitës”, tha ajo.
Sipas Kryemadjit, çështja e Presidentit ka ndikuar për të përçarë opozitën, por më shumë ka qenë për ta përdorur dhe për ta tallur në opinionin publik.
“PS i ka 71 vota, kjo është një zvarritje për të krijuar një insinuatë brenda PD”, shprehet Kryemadhi.
