Janë zbardhur detaje nga plagosja në Kombinat mbrëmjen e sotme.
Policia bën me dije se 60 vjeçari me iniciale, M.L është plagosur me armë zjarri në këmbë, nga efektivi i FSHN-së.
Po të njëjtat burime konfirmojnë se polici ishte në gjendje të dehur.
Njoftimi i plotë:
Në lidhje me informacionin paraprak të dhënë pak më parë, i cili bën fjalë se në Kombinat është plagosur me armë zjarri në këmbë shtetasi M. L., 60 vjeç, ju sqarojmë se:
Nga shërbimet e Komisariatit të Policisë Nr. 6 është identifikuar dhe shoqëruar në ambientet e komisariatit, autori i kësaj ngjarje, shtetasi L. Gj., efektiv i FNSH-së, i cili gjatë kryerjes së krimit ka qenë në gjendje të dehur.
Grupi hetimor i krijuar nga Agjensia e Mbiikëqyrjes Policore (AMP) nën drejtimin e Prokurorisë së Tiranës, ndodhet në vendngjarje dhe po punon për sqarimin e rrethanave të ngjarjes.
