Me anë të një postimi në Twitter, kryeministri Edi Rama ka reaguar ndaj operacionit të fundit të SPAK, i cili lëshoi 32 urdhër-arreste ndaj personazheve të botës së krimit në vend.
Rama vlerëson punën e SPAK dhe të Policisë së Shtetit, ndërsa shkruan se ky operacion është shembulli më kuptimplotë i fuqizimit të organeve ligjzbatuese:
“Operacioni i sotëm i SPAKU-t dhe Policisë së Shtetit është shembulli më kuptimplotë i fuqizimit të organeve ligjzbatuese dhe vendosmërisë së madhe për ta goditur krimin e organizuar me të gjithë forcën e ligjit! Respekt për këtë shembull kaq domethënës. Mbështetje deri në fund!”
