Kryetarja e LSI Monika Kryemadhi me anë të një statusi në “Facebook” shkruan se kryeministri i inceneratorëve, po iu bën presion shqiptarëve.
Kryemadhi thekson se Rama është kryeministri, nën drejtimin e së cilit lulëzoi afera marramendëse e inceneratorëve, e nga ana tjetër iu bën presion shqiptarëve pse kanë pasuri.
Postimi i Monika Kryemadhit:
Kryeministri i inceneratorëve u bën presion shqiptarëve nga banaqet e televizioneve, duke i kujtuar rrogat dhe makinat e popullit të thjeshtë.
Ndërkohë,
AM Co & Co me bashkëpronar Arben dhe Marika Përlala, me paga nga 250 €, është vetëm njëra nga kompanitë e përdorura nga Klodian Zoto, për të realizuar evazion fiskal duke fryrë kostot e punimeve të koncesonit të inceneratorëve, si dhe për përvetësimin e paligjshëm të TVSH. Vetëm kjo kompani me dy punojës ka faturuar skemën e inceneratorëve 9 milionë dollarë.
A vepron ligji kur evazionin dhe krimin financiar e kryejnë njerëz të strehuar nën ‘ombrellën’ e kryeministrisë?
