Tirana u shpall sot për herë të 26-të kampione e Shqipërisë. Bardheblutë e drejtuar nga Orges Shehi zyrtarizuan titullin kampion pas fitores 2-1 në derbi ndaj Partizanit, takim që u zhvillua në “Elbasan Arena”.
Kryeqytetasit kurorëzuan sot një sezon fantastik duke dominuar pothuajse në të gjithë sezonin. Pas këtij suksesi ka ardhur edhe reagimi i ish-kryeministrit, Sali Berisha, i cili me anë të një postimi në “Facebook” shkroi: Sot ekipi i futbollit i Tiranës është Kampion i Shqipërisë për herë të 26-të! Urime çuna! I ndezët zemrat e kryeqytetit!
