Tonelata me ilaçe janë gjetur të groposura në shtratin e lumit që derdhet në Bovillë, aty ku furnizohen me ujë të pjshëm mijëra familje në kryeqytet.
Ngjarja ka ndodhur para disa ditës dhe është ende pa autor, pasi nuk dihet kush është subjekti farmaceutik apo shtetëror që ka vendosur të groposë në shkelje të ligjit medikamentet e skaduara.
Skandali u denoncua nga emisioni investigativ “Stop”.
Raportohet se ilaçet janë hedhur pranë shtratit të lumit të Zall – Bastarit, i cili derdhet në liqenin e Bovillës.
Ende nuk ka reagim nga Ministria e Shëndetësisë apo nga Qendra e Regjistrimit të Barnave.
