Në sezonin që po zhvillohet në Serinë A luan një numër i konsiderueshëm lojtarësh shqiptarë.
Nga viti që vjen një tjetër futbollist i Kombëtares mund t’i bashkohet karvanit të kuqezinjve në elitën e futbollit italian.
Fjala është për Kastriot Dermakun, i cili aktivizohet në Serinë B me skuadrën e Leçes.
Mbrojtësi ka luajtur më së shumti në këtë sezon dhe aktualisht Leçe mban vendin e parë në renditje, teksa janë edhe dy javë për t’u luajtur deri në përfundim.
Ky do të ishte një hap i rëndësishëm për mbrojtësin, por jo vetëm pasi edhe Veseli me Salernitanën e tij po bën mrekullinë në A, duke u kthyer seriozisht te lufta për mbijetesë.
