Liverpool nuk i ndahet Manchester Cityt në garën për titullin kampion në Premier League. Ditën e sotme “The Reds” mposhtën 2-0 në derbi skuadrën e Everton.
Të besuarit e Jurgen Klopp dominuan të gjithë pjesën e parë, por goli i avantazhit erdhi në minutën e 62-të të takimit me Robertson që mposht portierin kundërshtarë pas asistimit të Salah.
Thiago vuri në vështirësi portierin Pickford, para se Divock Origi të shënonte golin që i mbylli të gjitha llogaritë e derbit të Merseyside.
Ekipi i Frank Lampard e shikon vetëm e tij tashmë në zonën e mbijetesës, pasi aktualisht renditen në vendin e 18-të me 29 pikë.
