Detaje të reja kanë dalë në dritë nga plagosja me armë zjarri që ka ndodhur sot në Kukës.
Autori Emërli Murtati është konfliktuar fillimisht me 10 bashkëfshatarët e tij, pasi këta të fundit po gërmonin kanal për të futur tuba në kanalet vaditës.
Autori ka kundërshtuar mr forcë hapjen e kanalit, pasi ia dëmtonte rrugën e varrezave të lagjes së tij.
Në këtë moment, autori dhe bashkëfshatarët janë konfliktuar verbalisht dhe fizikisht.
Sherri më tej ka agravuar e Murtati ka nxjerrë një armë tip pistoletë, duke shtënë në drejtim të turmës.
Plumbi ka kapur në këmbë një prej bashkëfshatarëve të tij, shtetasin Festim Axhami.
Në këtë moment, personat e tjerë të pranishëm kanë ushtruar dhunë ndaj autorit të ngjarjes, duke i shkaktuar plagë në kokë.
Edhe Murtati po merr mjekim pranë Spitalit Rajonal të Kukësit.
