Një trofe për lavdinë, por edhe për arkat. Kupa e Italisë nuk është vetëm një titull i shtuar në palmaresin e klubit që do ta fitojë atë, por do të jetë edhe një “dorë” e konsiderueshme të ardhurash.
Sipas të dhënave të “Calcio e Finanza”, në xhepat e fituesit do të shkojnë 7.5 milionë euro, ndonëse edhe humbësi mund të ngushëllohet pas finales së 11 majit në Romë.
Më konkretisht: Finalistët, pra Interi dhe Juventusi, do të përfitojnë 3 milionë euro secili për arritjen e tyre deri në fund të turneut, ndërkohë që klubi i cili do të ngrejë trofeun do të marrë edhe një bonus prej 4.5 milionësh (për humbësin 2 milionë euro).
Në të njëjtën kohë nuk duhet harruar së nënvizuari në gjysmëfinale, e vetmja fazë me ndeshje kthimi e Kupës së Italisë, skuadrat arkëtuan jo pak edhe nga shitja e biletave. Shkallët plot të “San Siros” i siguruan Interit plot 4 milionë euro, ndërsa Juventusi arkëtoi 2 milionë euro në gjysmëfinalen e djeshme me Fiorentinën.
