Deputeti demokrat Edi Paloka, ka komentuar vizitën e kryeministrit Edi Rama në Gjermani, dhe konferencën e tij të përbashkët me kancelarin gjerman Olaf Shcolz.
I ftuar në “Radari Informativ”, Paloka tha se Rama duhet të tërhiqet nga “Open Ballkan”, passi ky projekt i shërben Serbisë dhe dëmton Shqipërinë dhe Kosovën.
Pjesë nga biseda:
Gazetarja: Pak më parë pamë Ramën me kancelarin gjerman, që flisnin për integrimin europian, por dhe procesin e Berlinit?
Paloka: Gjermania ka qenë gjithmonë nga vendet që ka orientuar jo vetëm Shqipërinë por dhe politikën Europiane. Ka kaq kohë që Rama përpiqet të faktorizojë nismën e tij dhe të Vuçiç për Open Ballkan. E dini ju që ky i famshmi Open Ballkan nuk ka asnjë marrëveshje të shkruar, ku të skicohet se çfarë është Open Ballkan. Ky flet gjithë kohën për Open Ballkan, që i intereson Serbisë, minimnalisht Rama duhet të ishte tërhequr pasi luftës në Ukrainë. Marrëveshja po të ekzistonte duhet të vijë të ratifikohet në parlament.
