Deputeti i PD-së Gazmend Bardhi ka reaguar pasi SHBA shpalli non grata Aqif Rakipin dhe Ylli Ndroqin.
Bardhi shprehet se non gratat tregojnë qartë se krimi i organizuar në vendin tonë ka lidhje me politikën.
Postimi i Gazmend Bardhit:
🇦🇱🤝🇺🇸Për herë të parë SHBA shprehet qartë se krimi i organizuar ka ndikim në politikën shqiptare, duke përdorur para dhe dhunë për të përcjellë mbështetje drejt kandidatëve të preferuar. Zgjedhjet e Prillit 2021, veçanërisht në Elbasan, e provuan këtë dhe përfituesi i drejtpërdrejtë dhe arkitekti i kësaj skeme ishte dhe mbetet Edi Rama.
Evidentimi me emër dhe mbiemër nga SHBA i politikanëve të lidhur me krimin e organizuar dhe të korruptuar është një standart që meriton respekt dhe duhet të vijojë. Vetëm me mbështetjen e SHBA mund të pastrohet politika shqiptare dhe qeverisja tu kthehet njerëzve.
